Tuisun Mindat Kahawknak Ah Pasalṭha Salai Ling Yaw Um A Thi

Mindat ramsung ah ralkap le mipi an doaw rero lai. Tusiun June 8 khalah nasa zetin an doaw ih mipi lam pakhat a thi. Ram hrangih nunnak hlantu cu kum 18 mi Salai Ling Yaw Um (ဆလိုင်းလိန်းယောအွမ်) a si.

Ram le miphun hrangah tin ramlak ah an khuasa ih an rawlei lai pawl hmuh tikah riah a sia. Ram le miphun hrangih an pekawknak cu upat an tlak zet, an hmin a dai nawn lo ding.

Zinglam ihsin ralkap le mipi cu an kapaw ciamco, raltlan pawl umnak kangkap ah ralkap pawl an va fehnai ih mipi kilhimtu pawlin an rak kap. Ṭuanvo neitu in “Tuisun ah hmunhnih ah kan kapaw. sniper le pukpi thawn in kap.

Zinglam ih kan doawknak ah kan lam pakhat a thi, tuisun cu vanzam awn kan thei lo. Tu ih kan biakawk lai khalah pukpi thawn in rung kap rero” tin Myanmar Now thuthang hnenah a sim. Mindat ramsung doawknak ah pasalṭha CDF 22 an thi zo.

Be the first to comment

Leave a Reply

Your email address will not be published.


*