Tuisun September 7 Ihsin NUG In Rampum Huap Doawknak An Thok Thu A Phuang

Mipi in an hngakhlap zetmi rampum huap doawknak cu September 7 ihsin NUG cozah in an nei thok ding thu a phuang.

Himi hlanah khuasung mipi pawl cu ei le in, thil dangdang rak khawlcia dingin thu an rak than rero zo. National Unity Government President Duwal Sheila in “Thu poimawh theihternak: February 1, 2021 ihsin ralkap in meithal le ralthuam hmangin rampi thuneihnak an la.

Mipi pawl ih inn le lo an siatsuah ih khuasung mipi pawl ih nunnak cu thlaphang um in an tuah. Mipi pawl khalin an thei tawkin an rak dokalh ve.

Tui caan ahcun ralkap cozah hi a hrampi ihsin siahsuah a ṭul zo ruangah NUG cozah in September 7 ihsin rampum huap doawknak thu kan phuang a si. Mipi cozah in nehnak kan co hlanlo rampum huap doawknak kan nei ding” a ti.

Be the first to comment

Leave a Reply

Your email address will not be published.


*