Tuizing Ah Ralkap Lamtang An Kap That, Ralkap Pawlin Zohdiknak An Va Neih Laiah Bomb A Puak

Tuizing September 2 zinglam nazi 8 hrawngah ralkap lamtang veng upa sungṭuan pakhat cu zo ti theih lo pawlin an kap that.

A thihnak hmun ah ralkap pawlin zohdiknak an va nei ih cu laitakah bomb veihnih a puak ruangah ralkap hliamtuar an um. Zohdiknak neitu ralkap pawl ih an hotu ralbawi khal hliam a tuar.

Yangon, Tharyar Township, ahmat 20 veng upa sungṭuan U Tin Maung Win cu ralkap lamtang a si. An veng sungih thilthleng cu ralkap pawl hnenah arak sim ṭheu ruangah ralkap pawlin mi tampi an kai zo.

Tuizing ah bike thawn lam a leng lai cu a lu le a dunglam ah an rak kap ih a hmun ah a thi cih, tualsung ralkap pawlin zingzoinak an va neih laiah bomb veihnih a puak thutthi ruangah ralbawi pakhat hliam a tuar thu Khit Thit Media ah an tarlang.

Be the first to comment

Leave a Reply

Your email address will not be published.


*