Tuizing An Kahawknak Ah KNDF 4 An Thi, Ralhrang 100 Hrawng Thawn An Kapaw Rero Lai

Kayah State, Demawso Township, Sanpya 6 Mai, Ho Phet khua kiangah tualsung mipi kilhimtu KNDF le ralhrang pawl an kapaw ciamco. November 25, 2021 zinglam nazi 6:00 ah ralhrang 100 hrawng cu himi kiangkap ah umhmun khuar dingin an va feh cu Karenni National Defense Force (KNDF) in an rak kap ciamco ih kaphnih kahawknak a thleng.

KNDF ṭuanvo neitu in, “Tu’khal kan kapaw reo lai, doawknak hi a nasa tuk ruangah khatlam khatlam ah mithi le hliamtuar an um. Kan kapaw rero lai ruangah mithi le hliamtuar cazin cu a cipciar in kan theithei hrih lo” a ti. Tutiang ahcun mipi kilhimtu lam ihsin 4 an thi ih hliamtuar khal an um hnuaihni.

KNDF doawknak tualrawn ih hmainortu pakhat in ralhrang thi le hliamtuar khal an tam tuk a ti. Ralhrang pawl cu mipum 100 hrawng an si ih Loikaw Lwe Tamu Kone ralhrang sakhan ihsin pukpi le bomb thawn an rung kap bawm ciamco. Loikaw le Dimawso kiangkap khualak ah ralhrang pawl umhmun an va khuar ṭheu ruangah tualsung mipi kilhimtu pawl thawn nitinten kahawknak a thleng.

Hitin an doawk ṭheu ruangah himi kiangkap hrawngih um khuasung mipi pawl cu hmun dangdang ah sahimnak hawlin an tlan. KNDF thuphuangtu in, “Loikaw thlanglam ihsin pukpi le bomb an rung kap bawm ciamco, kiangkap khuasung mipi pawl cu an tlan thluh. Ṭhenkhat khuasung mipi pawl cu kan va hruaisuak ih hmunhimnak ah kan ret” a ti.

Be the first to comment

Leave a Reply

Your email address will not be published.


*