Tuizing Cu Oxygen Sang Mi In Ra Pe Ih “Ziang Kan Bang?” Tin Ka Sut Ih “In Liamsan Zo” In Ti Cu >>>

Thin a Nuam lo!! Tuihzing cu ka hnenah mi pakhat a ra ih kan hnenih Oxygen bur in sang mi in ra pe. “Ziang kan bang” tin ka sut ih “In liamsan zo” in ti (Oxygen bur a rak rettu hi a thitu ih fapa a si. Zangfak a um tuk..).

Tuihni lawng si lo, nitin deuh thaw a si! Ka phone hi cat lo in call a lut, in suh bik mi cu “Oxygen kan ra thun thei kem tile Oxygen nan nei lai maw?” tihi a si.

Ka sanglet leh mi cu “Oxygen kan nei nawn lo” tihi a si. (Tulai hi Oxygen kan cat laifang a si). Mithen cu mitthli hal AW in in sut, mithen in “In zangfah aw, kan cat ngaingai ding” titu tla an bo lo. A poi, thin a na.

Kan biak Pathian rinsan in lamzin tinkim kan dap thei tawk in kan dap. Kan dap vivo lai ding. Pathian hnenah thlacamnak in, in bawm vivo uh law. (Steven Thawng, Volunteer, Central Chin Pawlpi, Kalaymyo)

Be the first to comment

Leave a Reply

Your email address will not be published.


*