Tuizing Hlae Swe (လှေဆွဲ) Khua Ih An Kahawknak Ah Mipi Lam 20 Hrawng An Thi

June 5 zinglam ah Irrawaddy, Kyonpyaw Township, Hlae Swe khua ah mipi le ralkap pawl kahawknak a suak ih mipi lam 20 hrawng an thi.

Khuasung mipi nauhak upa, pitar putar pawl cu ramlak ah an tlan thluh, ralkap lam thi le hliamtuar thuhla cu theih a si hrih lo.

Dalan tlawng sayama pakhat in Hlae Swe mipi pawlin meithal an nei tin ralkap hnenah arak hek, ralkap pawl cu an khuasung ah an va lut ih an buai thok.

Khuasung mi pakhat in “Ralkap pawlin mi pakhat an ra kai, kan va runsuak ruangah kan kapaw. In kap hmaisa, kanni cu thli meithal (gas gun) lawng kan nei ih duh vekin kan kap thei lo” a ti. Kyonpyaw ramsung ah ralkap pawl an umkhat thluh zo ih thusutnak an nei rero lai.

Be the first to comment

Leave a Reply

Your email address will not be published.


*