Tuizing Ih An Thilton Ruangah Chinmi Covid-19 Volunteer 3 In Ṭong Ding An Anhai, An Riah A Se Tuk!

Tuizing cu Ka Riah A Se Tuk! Zingah center ah ka rak duty. ‘A’ group ih fala te mangbang aanhai hmel zetin a ra.
“Saya, oxygen nan nei lai maw?”, “Mizansun sunvu kan hawlih khui hmanah kan tong lo. A poi tuk. Zosaw damlo?”

“Ka Pu a si i, tuizing in a thaw a khawp lo i. Oxygen ngah theinak hmun dang teh a um maw?”, “Tahan ihsi hilam ahcun Chhantu le kanmah vial si ko. Chhantu khal oxygen an nei nawn lo.” (Ka rel a theih veten a mitthli a rung luang)

“Eee… Seventh-day ah an kawhhran hrang reserve an ret mi dur te pakhat hrawng cu an nei lai menthei. Hung dil hnik e.” A tlan cih. Thin nuam lo zetin cabuai hrawng ka rak hnul.

Minute 15 hnu hrawngah fala te cu oxygen dur te phurin a rung. “Saya, kan bun thiam zik si lo, in ra bunsak kem?” “Elaw kan ra cih ding.

“Kan nurse Mama cu siivai le thilri rak timtuah sung dingin kan cah ta ih. volunteer Driver Thangte le El Boih thawn zamrang takin PPE kan hruhih oxygen rak bunsak dingah kan tlan.

An kot ah kan ambulance a va ding. “Nanmah si maw oxygen pek ding kha?” “Tu kha in cemsan ciah….. in ra ngaisak ih kan lungawi tuk aw.” Țong ding a vang duh pam……Riahse zetin kan kirsal. “Sala! ….. Oxygen…. Oxygen…… aihssss!” Thu dang khal rel peh thei lo’n kan rualvah thum cun, hmel dur takin kan thuam kan hlit fiamfo. (Hram: Jesse Klirlungz Kipling)

Be the first to comment

Leave a Reply

Your email address will not be published.


*