Tulai Boruak Sia Ruangah Pu M. Thansiama In A Innluahtu Innsang 16 Hnenah Innluah Man A Dil Lo Ding

Covid-19 natsia in leitlun ramtinkim a nuai ciamco ih zocio khal an harsa thluh. A kumtel, a thlatel hnaṭuan thei lo ih an um ruangah innsang ah harsatnak a thleng. Ei le in ding a har ih innluah man pek ding nei khal mi tampi an um.

Lunglei, Electric Veng ih um Pu M. Thansiama in a innluahtu innsang 16 hnenah innluah man a dil lo ding thu theih a si. A innluahtu innsang khal ahlan ihsin innluah man arak dil nawn lo zo, alakin aumter.

“Tulai natsia lakah sumpai a har, nitin hnaṭuan ih eicop hawl hrangah cun ‘Ziangso kan ei ding?’ tin an thinhar thei zet.

Hi pawl theithiam in zumtu sinak le Mizo sinak run phosuak in Pu M. Thansiama Electric Veng, Lunglei in a innluahtu innsang 16, thlatin sumpai lakluhnak nei lo pawl cu innluah man a dil lo ding. A innluahtu pakhat khal innluah man pe loin arak umter ringring zo” tin an tarlang.

Be the first to comment

Leave a Reply

Your email address will not be published.


*