Tulai Leitlun Huap Ih Zuknung Lar Bik Cu South Korea Film A Si, “Squid Game”

Tulai leiltun huap zuknung lar bik cu South Korea zuknung “Squid Game” timi a si. Netflix khalah zoh theih in aum zo ih top 1 ah aum, zuknung cangtu pawl khal South Korea lemcan thiam hminthang pawl an tel.

A zuknung cu TV Series a si ih Season 1 ah Episode 9 aum ih zuknung cu diriam um zetin a cemnak an khar. Mipi in a zoh an khop lo tuk ruangah a tuahtu Hwang Dong-hyuk hnenah Season 2-nak tuahsal dingin ca an kuat rero.

Media pawlin Season 2-nak tuah a tum le tum thu an va sut ih Hwang Dong-hyuk in “Tu hrih ahcun zianghman ka ruat hrih lo. Squid Game 2 hrangah timtuahnak ka nei hrih lo, asinan ka tuahsal asilen keimahten cun ka tuah lo ding.

Thuanthu nganthiam le hmuhton nei tampi director pawl thawn kan tuah tlang ding. Cun a zuknung fehdan ding cu tulai minung pawl hi kan khuasat dan thawn milaw in kan tuah ding” a ti.

Zuknung cangtu mi hminthang ṭhenkhat cu Park Hae Soo, Lee Jung‑jae, Wi Ha‑joon le HoYeon Jung pawl an si. A zuknung thuanthu fehdan cu: Minung beidong, tlaksiatnak ih khat minung pawl cu company tumpi in a kokhawm ih game a lekter. A neh lo pawl cu an that hluahhlo, asinan a neh pawl cu sumpai tam zet an pe thung. A zuknung cu a ṭihnung in a zohnuam zet a si.

Be the first to comment

Leave a Reply

Your email address will not be published.


*