Tulai Leitlun Ih Milian Bik In, “Inn Ka Nei Nawn Lo, Rualpi Inn Ah Ka Um” A Ti

Kum 50 mi Elon Musk hi tulai leitlun ih milian bik a si, Tesla Motor sersuaktu khal a si. Leilung lenglam Mar ah minung pawl um thei dingin a tawlrel rero lai. A lennak cu $251bn (£207bn) a si ih US ramsung le leitlun ih milian bik a si. Asinan, milian vekin a khuasa dah lo, mi retheite vekin a tlangleng.

A nupi hlasakthiam Grimes (kum 34) thawn fa pahnih an neih hnuah an ṭhenaw. A nupi in, “Milian billionaire vekin aum lo, mi farah pawl vekin aum. Ni 8 sung peanut butter lawng ka ei zo” tin an neihawk laiah media hnenah a sim thei.

Innṭha khal anei lo ih a nupi in innṭha lei dingin a sawm ṭheu nan a duh lo. Tu’ah a inn neihmi cu a zuar ih umnak ding inn anei nawn lo ruangah rualpi inn ah aum ih khuasung ah office a kai. Lawng ṭha zet khal anei lo nan vanzam cu anei.

Elon Musk in, “Lawng ka nei lo ih nuamcen dingin ka vaksuak dah lo. Asinan, hnaṭuan fehnak ah vanzam cu ka hman a ṭul, vanzam ka hmang lo asilen hnaṭuan caan ka nei mal tuk. Tu’ah umnak ding inn ka nei lo ih rualpi inn ah ka um sung” tin April 18 sun ah Independent media hnenah a sim thei.

Be the first to comment

Leave a Reply

Your email address will not be published.


*