Tulai Leitlun Ih Milian Bik In Putin Sualawk A Ngiar

Tulai leitlun ih milian bik Elon Musk (kum 50) in, “Putin, pakhat le pakhat ih sualaw dingin ka lo ngiar. In ngam maw? Ukraine ram cuhawknak ah kan sualaw ding” tin a tarlang. Kum 69 mi Putin in a letsawng hrih lo, Putin hi nitinten taksa cangvaihnak tuah ringring a si ih nikhat ah nazi 2 sung leknak a tuah ṭheu.

Putin hi sualawk thiam a si ih Judo a zir ṭheu, black belt khal a ngah zo nan Ukraine ram a siim ruangah a black belt ngah ih cawimawinak cu an hlonsak. Elon Musk in Ukraine mipi pawl a bawm ṭheu, amai sumpai hmangin Ukraine ramsung ah internet a nungter ih raltlan pawl khal a bawm.

Putin in Elon ih ngairnak cu a letsawng lo nan a ralbawi pakhat in arak letsawng, Russia ralbawi in, “Elon Musk, Putin ih cahnak thazang hi zuamsual aw hlah tin thurawn ka lo pe duh. Nan taksa ritlam khal a thlauaw tuk” tin a hnihsan.

Thudang: Tulai Leitlun Ih Milian Bik Cu Christian A Si Lo Nan, “Na Piangthar Maw?” Tin An Sut Ih A Simdan Hi A Mak Zet >>> Tulai leitlun ih milian bik cu Tesla motor company neitu Elon Musk a si. USA ram ah aum. Elon Musk hi sakhua nei lo pawl vek a si, ziangvek sakhua khal a cohlang thluh. Kan dung zarhpisun ah Babylon Bee podcast pawlin hmaiton thusutnak an nei ih, “Na piangthar maw? Jesuh cu a lo rundamtu a si ti cohlang aw” an ti.

Kum 50 mi Elon Musk in, “Tuisun hi sunday a si, ziangtin sunday sun ah interview kan tuah ngam? Sunday sun cu biakinn ih um ding kan si lo maw?” tin a capoh hai.

Elon Musk in, “Pathian in sunday sun ah hnaṭuan hlah uh a ti, tuisun ih nan thiltuahmi pawl ruangah Hellram ah nan feh thluh ding. Jesuh ih thuzirhmi pawl hi ka cohlang thluh, A thusim lakah fimnak tam zet aum. Na biang khatlam an lo ben asilen khatlam tun aw’ a ti. Mit aiah mit timi daan cu a siatbal, mit aiah mit kan ti asilen kan mit a caw thluh ding.

Jesuh in leitlun mipi pawl A rundam a si ahcun kei khal in rundam ti ka fiang. Ziangruangah in rundam lonak ding?” a ti. Babylon Bee thuphuangtu in mipi pawl hnenah, “Ka piangthar a tinak a si ding, “Yes” a tinak a si ding. Kan ngah zo” a ti hnuah, “Ti na pil duh maw (Baptism)?” tin a sutsal ih Elon Musk in, “Ti ka pil zo, ka nauhak laiah ti ka pil zo” a ti. (#Thusutnak Christian si loin piangthar a theih maw?)

Be the first to comment

Leave a Reply

Your email address will not be published.


*