Tulai Milian Bik In, “Dam Rei Tuk Zuam Hlah Uh Sin, Asilolen Hlanhlai Ramkhel Biden, Trump Pawl Vekin Tulai Boruak Kan Siatsuah Ve Ding” A Ti

Kum 50 mi Elon Musk cu tulai ih milian bik a si ih a umhar thei tuk, kan dungah a nupi thawn a veihnihnak an ṭhenaw fel ih a nupi cu tlangval thar a nei hngal.

A nupi hlasakthiam thawn fate pahnih an nei zo ih a fale pawl cu a nupi hnenah an um, Elon Musk cu an uico thawn an umtlang ih a umhar thei zet. Media pawlin thu an suhnak ah Musk in, “A caan ahcun ka umhar thei tuk, zocio khalin umhar caan na nei ding.

Ka kiangah ka uico hi um lo sehla cun ziangkhop in ka um har ding. Minung hi dam reituk tum ding kan si lo. Kan dam rei tuk asilen thangthar nonawn pawl ih hringnun kan siatsuah sawn ding, mi ṭhenkhat cu an khuaruahnak hi an thleng danglam thei lo.

Hlan ih an khuaruahnak vekin tulai khalah thil ziangkim an tuah thluh tum lai, US ramhruaitu pawl cu hlanlai ih ramkhel pawl lawnglawng an si. Kan dam rei tuk asilen hlanlai ramkhel Biden, Trump le Pelosi pawl vekin tulai boruak kan siatsuah ve ding” a ti.

Be the first to comment

Leave a Reply

Your email address will not be published.


*