Tuzing Thlanrawn Khua Dinhmun (October 15)

(#Calvary Thang Facebook): “Ui-aa pawl cu an motor thawn kan Khua ihsin peng 1 hlatnak ah an lan theh zo. Inn cu an ur betmi aum lo. Khua ihsin peng 1 hlatnak ah reipi an um zo ih lamzinpi saklam ah meithal a puak rero.

Mizan nazi 7:40 pm hrawng khal ah minute 10 sung hrawng meithal a puak ciamco. Tuihzing ah mipi relhnak lamah bomb an ron kap ih mipi umnak thleng hlante ah a tlak ih a puak. Mipi cu hliamtuar an um lo.

A tlaknak kiang ih thinkung tampi an kiak. Kan Thlanrawn ramsung ah ui-aa pawl an um lai ruangah kan thin a bang zet. Khuathar lam ah an rak kirsal pang pei maw? tiah donhar in kan um. Thlacamnak thawn in tanpi hrih hram uh.

Thudang: Rialti Pastor In Mipi Hnenah Zangfah Dilnak Le Theihternak: Ralkap pawlin lainatnak tello in Falam peng sungih um Rialti khua le Thlanrawn khua cu an urkang ih an ranvulh mi khal an thatsak. Khuasung mipi pawl cu thinhar mangbang in an um rero lai, ramsung le ramleng ih um pawl khalin an tuarpi zet ruangah bawm theidan ding an hawl rero lai.

Himi thuhla ah Calvary Thang in “Khualam hi line a ṭha lo ruangah kan pastor pakhat hi contact a theih lo ruangah kan pastor pakhat sawn Saya Tling lole keimah hnenah kan khua Thlanrawn thu cu sut theih ringring kan si. Saya Tling phone number: 09452746426 (Facebook ID: Tling Tling), Calvary Thang: 09423891080. Kan lungawi” tin Thlanrawn khua thuhla pehtlaihdan ding a tarlang.

Rialti khua pastor Van Lal Lian in “Zangfah dilnak le theihternak’. Khrih ah duhdawtmi ramsung ramleng ummi kan Chin miphun Khrih hmin in Rialti khua (Church) in nan kut kan lo kai. Kan khua le kan biakinn cu miṭha lo pawlin meisa thawn in urkang ral sak rungih kan riahsiatnak in tuarpi mi parah simcawk lo lungawinak kan nei.

Miṭha lo pawl an um lai ruangah khua kangral mi khal vazoh in thu le hla kan rel thei hrih lo nan group in siseh, pumpak in siseh zawnruat le bawm duhtu nan um kan thei ih kan lungawi tuk, Bawm duhtu hrangah chatbox ah le a tanglam khalah in pehtlaih thei ringring a si.

Note: Ințanpi cio ding khal Khrih hmin in kan lo sawm. Pastor D (Facebook).Van lal Lian Vazuun, Phone: 09767720931(K pay), Viber+919994781299, Whatsapp +918700947975, Tele+ Singnal+959767720931, Chairman: U San Cin (09406156988). Upatnak thawn, D.Van Lal Lian, Pastor”

Be the first to comment

Leave a Reply

Your email address will not be published.


*