Uganda Ah Siibawi Lem In Covid-19 Khamsii Tin Tidai In Minung 800 Lenglo A Dawt

Covid-19 hmangin sumdawngnak ṭhalo tuah an tam zet. Malaysia ram khalah Covid-19 khamsii um loin mipi pawl an rak dawt rero zo, an taksa ah ṭhim cu an dawt nan a siivai ngaingai cu an thunlut lo.

Africa, Uganda ramsung khalah mibum hmang pawl cu sibawi lem ah an cang ih Covid-19 khamsii aiah tidai in mipi an dawt vivo. An dawhmi pawl cu company hnaṭuan pawl an si, Covid-19 in an ram a nuai ciamco laiah mibum hmang pawl hi an cangvai ṭheu.

Cozah in Covid-19 khamsii a tlaksam laitak ah an cangvai, cutin company neitu pawlin an theithiam lo ih an ram sumpai 80,000/500,000 zat in an ruai ih an hnaṭuannak hmun ahcun sibawi lem pawlin sii an va dawt.

An zingzoi vivo hnuah sibawi lem an si ti an theisuak ih pahnih cu an kai zo, pakhat cu arak tlanhlo man ih an hawl rero lai.

Dr Warren Naamara in “Sii rak dawttu pawl khal nan thinphang hlah uh, tidai men a si ih thildang an rawi lo ruangah a ṭihnung lo” a ti. Uganda mipum 44 million lakah 1.4 million lawngin Covid-19 khamsii an dawt zo tin an ram harhdamnak zung in a phuang.

Be the first to comment

Leave a Reply

Your email address will not be published.


*