Uico In Zawng Fate Pakhat An That, Zawng Rual An Thinheng Tuk Ih Uico 250 An That Zo

India, Majalgaon le Lavul khua ih um zawng pawlin khuasung uico 250 lenglo an that zo, uico cu an thiar thutthi ih building sangpi & thingkung sangpi parah an kaisopi ih an thlak that ṭheu. Hitin uico 250 hrawng an that zo.

Tualsung mi pawlin zawng fate pakhat cu uico in an keu that. Cumi hnu ihsin zawng rual pawlin uico an hmuhhmuh cu that dingin an bawh ringring an ti, zawng pawlin uico lawng silo nauhak tlawgkai lai khal an va hnaihnok ṭheu. Ui fate an thiar tikah uico pi in arak sual ih khuasung ah nasa zet an rualaw ṭheu an ti.

Khuasung mipi pawlin ramsa humhimtu le tlunlam upa hnenah an khuasung ih thilthleng cu an sim thei. Ramsa humhimtu le tlunlam upa pawl cu an khua ah an va feh nan zawngte pakhat khal kai ngah loin an tlungsal, curuangah khuasung mipi in anmahten an uico pawl humhim dingin an tuahaw.

Zawng rual in uico an ra thiar tikah khuasung mi pawlin an uico cu an rak run ve ih zawng khalin an ṭih lo ruangah hringhro awknak nasa zet a thleng. An khuasung ah nauhak le nunau cu anmahten an vaksuak ngam nawn lo.

Be the first to comment

Leave a Reply

Your email address will not be published.


*