UK Tlangval Cu Thil Ṭihnung Le Thinphang Um Pawl A Uar Tuk Ruangah Afghanistan Ram Ah Ava Tlawng

Afghanistan ramsung cu an buai vutvo lai, an buainak hi a rei tuk zo ih tulai cu a luar. UK, Birmingham ih university tlawngta kum 21 mi Miles Routledge cu thil ṭihnung le thil rapthlak zetzet pawl a uar tuk ruangah Afghanistan ramah ava tlawng.

Hmuhtonmi a neih duh ruangah ava tlawng ih an tlawnginn lam khalin tlawng dingin siannak ca an pe. A rualnu in “Mak khal ka ti lo, ka hmeltheih mi lak ihsin Afghanistan ram tlawngtu an um ti thei sehla amah a si ko ding ti ka theicia” a ti.

A tlawng hlan ah British, Foreign & Commonwealth Office in “Afghanistan ramsung ih um kan milesa pawl cu nan himnak ding hrangah tlung sawn uh” tin thu an rak phuang rero zo.

Cuti vek dinhmun ih arak tlawng thotho ruangah mipi in an soisel ih tuahmawh tla na tong pang ding an ti. Afghanistan ram an buai vutvo lai khalah arak um ve.

August 16, 2021 ah Mr Routledge in “Nato ralkap pawl ih control-nak hmunram sungah ka um zo, khuasung mipi ṭhenkhat le British milesa ṭhenkhat pawl thawn kan beu tlang. Afghanistan ram ka tlawng cu ka siraw lo” a ti.

Be the first to comment

Leave a Reply

Your email address will not be published.


*