Ukraine Ah An Kapaw Thok

Russia ralkap pawl cu Ukraine ramsung an lut hnuah an kapaw thok. February 24, 2022 zingthlapit ah meithal cerek mu le bomb cu an zam ciamco ih mithi khal tam zet an um. Russia in ramri lawngah kan kapaw, misenpi umnak hmun ah kan kapaw lo a ti.

Ukraine ramri kiltu pawlin hmuntinkim ihsin Russia in in kap, Russia lamah Belarus ralkap pawl an tang an ti. An doawknak hmun cu Luhansk, Sumy, Kharkiv, Chernihiv le Zhytomyr ramsung ah a si.

Ukraine president Volodymyr in thu a suah hngal ih martial law a phuang cih. “Mipi pawl thinphang tuk hlah uh, ralṭha zetin rak um uh. Joe Biden khal ka be zo, kan ralkap pawl hna an ṭuan rero lai.

Ziangkim hrangah kan ralring cia thepthep, Ukraine kan si ih kan neh tengteng ding” a ti. Ramdang hruaitu pawlin Russia in thisen luannak lamzin a hril ih leitlun mipi pawlin harsatnak an tuar phah ding an ti.

Be the first to comment

Leave a Reply

Your email address will not be published.


*