Ukraine President In, “Kan Zalennak Hi Mi Kut Ah Kan Pe Lo Ding” A Ti

Leitlun ih ralthuam nei ṭhabik an timi Russia in Ukraine ram cu a kuthnuai ah retsal a tum ih a do rero lai. Mithi le hliamtuar khal an tam zet zo ih inn le lo tampi an siatsuah. Sahimnak hawl raltlan khal a thawngtel in an um, Russia in ralkap tam zet a kuat rero lai.

Asinan ram farah zet Ukraine in daiten arak zoh men tum lo. Ukraine president Volodymyr Zelenskyy (kum 44) in, “Tuizing ah Russia’n in kap ciamco, tuizing ih Russia cangvaihdan cu leitlun ralpi a veihnihnak lai ih ‘Nazi Germany’ pawl cangvaihdan vek a si.

Kan zalennak hi Moscow kutsung ah kan pe lo ding. Nan khua le ram hrangah raldo uh, Ukraine hi a surrender dah lo ding, zalennak cu kan ro sunglawibik a si. Leitlun hi kan lamah a tang, ramdang hruaitu pawl khal kan be thluh zo” a ti.

Ukraine mipi raldo duh zaten hnenah meithal, hriamhrei pek thluh an tum ih Russia rallian hmaiah duai an tum lo.

Be the first to comment

Leave a Reply

Your email address will not be published.


*