Umtlang Ringring Hi Arak NingUm Deuh A Si Ding

Ukraine nupa tuakkhat cu an duhdawt aw zet ih thihnak lo cun in ṭhen hlah seh tin an tawnbet aw. An duhdawtnak a hngetkho theinak dingah tin an kut le kut ah thirhri thawn an tawnbet aw. Thla 4 lenglo an umtlang hnu May 19 ah leitlun ih nupa umtlang reibik timi World Record an ngah.

Asinan, umtlang ringring cu an rak ningaw deuh a si ding a cemnak ahcun an duhdawtnak hri cu hngetkho lam aiin a cat sawn. Ṭhenaw lanta dingin thuthluknak an tuah, an kut ih thirhri cu an rak tawn ternak company ah an va ahcatter sal.

Kum 29 mi Viktoria in “Tu’ahcun mi zalen ka si zo, ahlan ih ka nundan pawl ka ngai thei tuk. Kan thu rung cawng duh hlah uh, umtlang ringring hi a ningum tuk. Kan umtlang ringring ruangah ka pasal hnen ihsin ka theihcak zetmi ‘Ka lo ngai tuk, ka lo duhdawt tuk’ timi ṭongkam khal ka theithei nawn lo” a ti.

An rak ningaw rei deuh a si ding, an kut tawnnak thirhri an atcat hnu ihsin khua dangdang ah an um hngal. Kum 33 mi Alexandr Kudlay khalin “Zing thawh veten kan umtlang ih ekinn sung khalah kan umtlang.

Ka ning bik cu thlalang hmai ih umpi ringring hi a si, a ceiawk sung a rei thei tuk. Kan thiltuah cu zirhnak ṭha zet a si, kan tuah vek rung tuah ve hlah uh” a ti. World Record an ngah vekin an kut tawnnak thilhri cu an zuar tum, lilamnak an tuah tum ih a man cu miharsa pawl bawmnak ah an hlu ding.

Be the first to comment

Leave a Reply

Your email address will not be published.


*