University Christian Fellowship Thlacamnak Ah Ralbawi Picang A Telve

April 23, 2022 ah Kachin State, Myitkyina khawpi ih um University Christian Fellowship tlawnginn ah thlacam khawmnak an nei, cutawk ah Kachin ramsung ih ralhrang pawl uktu (Chairman of the Military Council) U Khat Htein Nan khal a telve ruangah mipi in an soisel zet.

Himi thlacam khawmnak ah Kachin MP hlun Daw Ja Sai Khon, Kachin ramsung lawyer U Tu Ja pawl khal an tel. U Khat Htein Nan cu Kachin miphun a si ih ralkap hotu khal arak ṭuan zo.

UCF ṭuanvo neitu in, “2014 kum ihsin tlawnginn phardawl, tidai le ekinn pawl kan tuah thok, Covid-19 ruangah tlawnginn hi kan sak ṭheh lo ih kan cawlhsan lawk. Tu hnuah kan sak ṭheh thei ih onnak ah thlacam khawmnak kan nei” a ti.

Tlawngta pakhat in, “Ralhrang pawlin sakhua biaknak hmangin mipi thinlung an neh tum, mipi thinlung an kekkuaiter tum a si” a ti.

Be the first to comment

Leave a Reply

Your email address will not be published.


*