US Actress Tei Inn A Hrang

Kum 57 mi Courteney Cox cu US actress hminthang pakhat a si, amah hi thla um zumlotu a si. L.A, Laurel Canyon ah hlanlai inn ṭha zet a lei, a lei hlanah inn neitu in, “Himi inn hi a hrang sokhaw, nupa an rak ṭhenaw zo ih thla an hmu ṭheu. A hlan ih umtu pawl khalin thla an hmu ṭheu” a ti.

Courteney in, “Aw, ziangkhal siseh” tin inn cu a lei thotho. Thla um hi a zum lo zet, sungkhat rualpi pawl thawn an riak tlang ih thla an hmu ṭheu. Zan an itthat laiah, an ihkhun kotlang ah nunau rak to ringring an hmu ṭheu ih an ṭihnung thei tuk.

A inn ih riak pawlin zanṭim laiah nunau vakkual rero an hmuh thu an sim thei nan Courteney in a ṭih cuang lo. Courteney in, “Nikhat cu keimah lawngin ka rak um, thilri zemtu UPS pakhat ara thleng ih thilri bungrua pawl in pek hnuah ‘Himi inn a hrang ti na thei maw?’ tin in sut.

Thei ee, ziangruangah?’ ka ti. A tlan phah in, ‘Na dung ah mi pakhat a ding ringring’ a ti cu ‘A tawk, inn hi ka zuarsal ding tin thuthluknak ka tuah hngal” a ti. A inn cu a suahsan ih a zuar rero lai thu media hnenah a sim thei.

Be the first to comment

Leave a Reply

Your email address will not be published.


*