US Ah Biakinn A Kangral, Asinan Thinglamtah Cu A Him

US, Texas, Bridgeport khawte ah Balsora Baptist Church a kangral. June 17, 2022 ah a kang ciamco. Meitat pawlin an va mit ih kangmei hi a nasa tuk ruangah hliamtuar khal an um, hliamtuar pawl cu siizung ah an tuamhlawm rero lai ih an dinhmun khal a ṭha.

An biakinn cu a kangral thluh nan thinglamtah cu a siat lo, aumnak kelte ah arak ding ringring. Ṭuanvo neitu in, “Tualsung mipi pawl cu an riat a sia tuk nan theihternak an hmu. Meisa in biakinnpi a nuaisiat thluh nan thinglamtah cu a siatsuah lo” a ti.

Kangmei a suahnak san hi an theifiang hrih lo ih an zingzoi rero lai, tulai khua a hlum tuk ruangah meisa hri fehsual in kangmei a suak si ding ti an zum. Kawhhran upa in, “Pathian in kan thlacamnak a theih ruangah kan thangṭhat. Balsora Baptist hrangah thil pakhat khat tumtahmi anei” a ti.

Be the first to comment

Leave a Reply

Your email address will not be published.


*