US Ah Building A Cim Rupri Ih Mithi Le Hliamtuar An Um, Zan An Itthat Laiah A Cim

US, Miami tipikap ih um building sangpi cu mizan tune 24 zan nazi 1:30 hrawngah a cim thutthi ih mithi le hliamtuar an um. Mithi 1 aum ih minung 100 hrawng cu building cim lakah an hlo, a tam sawn cu an thi ding ti an zum.

Runsuaktu pawlin mihlo pawl cu an hawl rero lai, building a cim nasa tuk ruangah mihlo an hawl cu zarhkhat sung hrawng an rei men thei.

Building sungah minung paziat ciahciah an rak um ti cu an theifiang hrih lo ih minung 35 cu an rak tlansuak man. Building cu 1981 kum ih sakmi a si ih units 130 lenglo aum ih a par lam cu an remṭha rero lai mi a si.

Kiangkap um Burkett in “Bomb puak vek a si, asinan bomb ruangih cim cu a si lo. Thil pakhat khat ruangih cim a si ding” a ti. Building cim in kiangkap um building dang pawl khal a tibuai thluh.

President Joe Biden khalin tuarpinak a langter. President Joe Biden in “Florida mipi pawl bawm nan ṭul asilen cozahpi in kan lo bawm ding. Bawm nan ṭul thu in sim thei a si ahcun kan ra hngal ding” a ti.

Be the first to comment

Leave a Reply

Your email address will not be published.


*