US Ah Kahawknak A Thleng Ih Minung 14 In Hliam An Tuar

Kan dung zarhte zing (June 12) ah US, Texas, Austin’s Sixth Street lamzin ah mino 2 an kapaw ciamco. Minung tam zet umnak hmun ah an kapaw, hmin tarlang hrih lo mino 2 cu mipi lakah an kapaw ciamco ih kiangkap um minung 14 in hliam an tuar.

Hliamtuar pawl cu siizung ah an tlanpi ih 2 cu an bese zet, hliamtuar bese kum 25 mi Douglas John Kantor cu sunday sun ah a thi ti theih a si. Douglas John Kantor cu New York, Airmont khuami a si ih Texas ih va tlawng lawk a si.

Hliamtuar pakhat Jessica Ramirez ih dinhmun khal a áš­ha lo, a damsal asikhallen meithal cerek mu ruangah a taksa a zeng ding ti a si ih a innsang pawlin GoFundMe an tuahsak.

Kap awtu mino pakhat sawn cu palik pawlin an kai hngal, kum 17 mi cu a tlanhlo man ih an hawl vivo hnu Killeen ah an kai ngah.

An kahawknak thu cu an phuang hrih lo nan Austin Police Department Interim Chief Joseph Chacon in “Bulpak huatawknak ih kapaw an bang” a ti. An thuhla cu palik pawlin an zingzoi rero lai.

Be the first to comment

Leave a Reply

Your email address will not be published.


*