US Ah Myanmar Mi Palik Nunau Ṭuan Hmaisabik Judith Par, SPD Ah Asian Palik Nunau Umsun A Si

Kum 23 mi Judith Par-Lwei cu hlawhtling zetin America palik officer a ṭuan rero lai. Asian ramsung ihsin Syracuse Police Department (SPD) ah nunau palik ṭuan hmaisabik cu a si lo nan ṭuan rero lai umsun a si.

SPD ah Asian nunau palik ṭuan hmaisabiktu cu China mi a si ih 1986 kum ah arak ṭuan, a hmin cu Paulene Eggers a si ih 2013 kum ah a cawl hahdam. Par-Lwei hi Chinmi a si ih kum 10 a si lai, 2008 kum ah an khua cu ralhrang pawlin an siatsuah ruangah sahimnak hawlin India ramah an feh.

Ramri ah an motor tomi a siat ruangah ke in an feh vivo ih India ramsung ah an lut, Cutin New Delhi ah sahimnak hawlin an khuasa ih Delhi ah kum 5 sung an um hnu 2013 ah Delhi khawpi suahsan in New York, Syracuse ah an feh.

Delhi an um sungah tlawng a kai ve thei lo, an unau lakah upabik a si ruangah hnaṭuan in aum ih a innsang pawl a cawm. Kum 15 a kim ah New York khawpi an thleng ih tlawngkai phahin hna pahnih a ṭuan. Ṭong khal a thiam hrih lo nan a zuam zetnak ruangah a hlawhtling vivo ih tu’ahcun police officer a ṭuan rero lai.

Be the first to comment

Leave a Reply

Your email address will not be published.


*