US Ah Nulepa Cawmtu Asian Fala An Kap That

Georgia, Atlanta ramsung ih um fala kum 25 mi Carmen Cai Yi Lee cu innsang cawmtu a si. Malaysia mi an si. 2018 kum ah University of Georgia ah buaih a ngah ih hnaṭuan in a innsang pawl a cawm.

A nulepa a zoh ih a naupa ih tlawngkainak khal a tumsak. A suahcam birthday hlan, zarhkhatnak May 29 sunah a rualpi tei inn ah ava leng ih barbecue an tuah.

Cutin a tlunglam ah meithal cerek mu lengvak in a ngah ih a thi, palik pawlin lamzinkap ih ding motor an hmu ih an va zohfiah cu motor sungah thicia in an hmu.

A taksa parah meithal ih kah ngahnak hliamhma a tuar ti an hmu, zo in meithal an kap ti cu an thei hrih lo nan kiangkap um pawlin meithal awn veihnih an theih thu an rel. A naupa Alvin in “Leitlun ih miṭhabik le mitumruh bik a si, kan innsang thimkhuazing ih kan um laiah in rak dirsuaktu a si” a ti.

A tlangval Petrus Reyes in “Mitlaitluang, mi zawngruat thiam zet a si” a ti. 2021 kum sung lawngah, Carmen Cai Yi Lee ih thihnak vengsung ah kahawknak vei 30 a thleng zo, motor mawng lai minung 10 cu meithal cerek mu lengvak ruangah an thi.

Be the first to comment

Leave a Reply

Your email address will not be published.


*