US Ah Tlangval Pakhat In Mi A Kap Ciamco, Mi 10 A Kap That

US, Buffalo khawpi ah tlangval kum 18 mi in zarhte sun (May 14, 2022) ah mi a kap ciamco ih mi 10 an thi, mi 3 in hliamhma nasa zet an tuar. Palik pawlin mi kap thattu cu an kai zo, asinan a hmin cu an tarlang hrih lo. Miphun huatawknak ruangih mi kap that a si.

Tlangval kum 18 mi cu midum pawl umnak vengsung ah ava feh ih meithal in mi a kap ciamco. Nikum khalah tlawnginn ah amah le mah thataw in midang thihcilh a tum ruangah a thluak lam fehdan diklo tin siizung ah an tuamhlawm.

Amah le mah hi mirang lalram tin a ruataw. A kah thatmi lakah palik áš­uanzo pitar pakhat a tel, minung 13 a kap ih mi 11 cu midum an si. Pacang pakhat cu a fapa birthday lawmnak dingah thil ava lei laitak ah a kap that, nunau pakhat khal a pasal damlo vehvai dingin a fehlam ah arak kap that.

Be the first to comment

Leave a Reply

Your email address will not be published.


*