US Ah Uk Thang Timi Pa In Minung 15 A Kap

September 23, 2021 sun nazi 1:30 hrawngah kum 29 mi Uk Thang timi pa in minung 15 a kap hnuah amah le mah a kapaw that.

Uk Thang cu meithal kengin a hnaṭuannak Collierville Kroger dawr sungah a lut ih a hmuhhmuh a kap ciamco, minung 10 cu hnaṭuantu an si ih minung 5 cu thil leitu an si.

Cumi lakah mi pakhat Olivia King timi nu a thi, ṭhenkhat thuthang ahcun mi 2 an thi tin an tarlang. Hliamtuar pawl cu siizung ah an tuamhlawm rero lai ih hliamtuar 3 ih dinhmun cu a sia zet.

Uk Thang cu Collierville, 885 Federal Ridge Road veng sungih um a si ih an veng sungah ralkap le police pawl an um khat thluh. Ziangruangah hitin mi a kap ti cu an theifiang hrih lo ih an zingzoi rero lai.

US um Laimi upa pakhat in, “Laimi a si le si lo cu theih a si hrih lo nan a hmin cu Lai hmin a si. Mizan ah Uk Thang timi pa in meithal in minung 15 a kap hnuah amah le mah a kapaw that. Kroger dawr ah thil zuartu a si. Tennessee State, Collierville khua ih thilthleng a si” tin a tarlang.

Be the first to comment

Leave a Reply

Your email address will not be published.


*