US Dawr Auntie Anne’s In Myanmar Ram A Suahsan Thlang Ding

1988 kum ah US mi Anne F. Beiler le a pasal in Auntie Anne’s timi hmuak dawr an rak din ih tulai ahcun a lar zet. Leiltun ram dangdang ah 1,000 lenglo dawr an ong zo, Myanmar ramsung khalah 2019 kumthok ihsin dawr an ong.

Myanmar ramsung ih an dawr hmunpi pathum umnak cu Junction Square, Myanmar Plaza le Junction City ah a si. Auntie Anne’s company in “Tulai boruak ruangah dawr kan khar thlang ding” an ti.

Junction Square ih an dawr cu June 30 ah an khar ih a dang pahnih cu August 16 ah an khar ding. June thla khalah Taiwan-based KOI Bubble Tea Shop in Myanmar ram arak suahsan zo.

Myanmar ramsung ih um ramdang company le dawr pawlin Myanmar ram an suahsan rero zo. Myanmar ramsung ah Covid-19 thlisia a hrang ruangah le ralkap in thuneihnak an lak ruangah sumdawngnak a ṭha nawn lo tin an suahsan.

Be the first to comment

Leave a Reply

Your email address will not be published.


*