US Mipa Pakhat A Nu-ei Ih Lu A Tan Ih A Urkang

November 6, 2021 zarhteni ah US, Ohio ih um mipa kum 34 mi Lionel Justin Gore in a nu-ei ih lu a tan hnuah a urkang. A nu-ei Diane Gore ih lu a tan ih a urkang lai cu a tupa kum 6 mi in arak hmu thluh.

Vengsung mipi pawlin meisa khu an hmuh ruangah palik pawl an ko lohli ih an innsung ih thilthleng cu hmuh a si. A tupa kum 6 mi in, “Ihkhun parah nam in a hngawng a at ih a urkang, meisa khu ruangah bawk in ka suak” tin palik hnenah a sim thei.

Diane ih naunu in, “Inn sungah ka va lut ih Gore cu thisen lakah arak it. Lionel in lamzin in kian aw, in kian lo asilen nang khal ka lo that ding in tiih motor thawn a tlan” a ti. Palik pawlin an va dum hngal ih hmunhlan a thleng hlanah an kai ngah.

Lionel Justin Gore in a tualthat thu a phuangaw ih a thatnak san cu “Thlarau thianghlim in that dingin in fial, khuasia a si khi thataw tin in fial” a ti. Palik pawlin tualthat thubuai, mi kaihrem thubuai le nauhak mithmut laiah thil rapthlak tuah thubuai pawl an orhter ih an sulhnu khal an zingzoi rero lai.

Be the first to comment

Leave a Reply

Your email address will not be published.


*