US Nu In A Pasal A That Ih A Sa A Candip, A Fale Pawl Thiar Dingin A Fial

US, Indiana, LaPorte veng sungih um Thessalonica Allen (kum 34) in a pasal a kap that. July 27 zanlai ah a pasal Randy Allen a kap, a fale 2 in meithal awn an theih veten an va zoh ih arak thi hrih lo.

Randy in 911 phone uh a ti nan Thessalonica in a siang lo ih an ihkhan ah a lutter. Cutin, a pasal cu a thihnai a suak tamtuk ruangah a thi, zanlai ah a fale 2 cu ava thangsal ih a pasal ih ruak cu motor ah ret dingin a fial.

Motor thawn phur in hmun dangah ava urkang tum, asinan a rit tuk ruangah an thiar thei lo ih a fanu ih bizu sungah an ret. A thaizing ah hreitlung thawn a pasal ih ruak cu a cek tan ih an inn sung cu thihnai in a khat.

Cumi hnuah a pasal hlun, a fa pakhat sawn ih pa cu a ko ih “Randy in nauhak pawl a vel” a ti. A pasal hlun cu an inn ah ava tlan hngal ih Randy ih ruak a hmuh veten thilumdan a theithiam.

Thessalonica in mithi ruak cu hlon dingin a sawm nan arak duh lo ih a tlungsal, cutin a pasal hlun in palik pawl hnenah a sim thei ih Thessalonica Allen cu an kai. Thessalonica Allen in “keimah le nauhak pawl kut in thlak ṭheu ruangah ka kap that” tin a phuangaw.

An fale 2 in “Randy Allen in computer ah thil in zirh, cutik laiah ka nu ih a lut ṭheunak website pakhat a hmu thutthi. Cumi hnuah an bedroom sungah ṭongkam an elaw ciamco ih meithal awn kan thei” an ti.

An innhnen Benjamin Wilson in “Ka zum thei lo, LaPorte veng sungah hivek thil a thleng ding ti ka zum thei lo” a ti. Thessalonica Allen cu thubuai tam zet an orhter, tualthat, mithi ruak puahcok (candip), tualthatnak ah kumkimlo nauhak hruailut tipawl an orhter ih thawnginn sungah an khum.

Be the first to comment

Leave a Reply

Your email address will not be published.


*