US Pacang In A Fale 2 A That Ih A Phuang Awknak >>>

US, California pacang kum 40 mi Matthew in a fale pahnih kum 2 mi le thla 10 mi cu rapthlak zetin a that. A fale pahnih cu ramlak ah a hruai ih nga kahnak meithal in an thin ah a kap, an thi hngal lo ruangah nam in a dawt ciamco ih amai kut khal a at’aw ngah.

An ruak cu kiangkap hramrul lakah a hlon ih Mexico lam ih tlanhlo a tum lai lamzin ah palik pawlin an kai. A fale pahnih ih ruak khal an hmu zo ih an vuiliam. Matthew hi QAnon timi pawlkom danglam ih um a si, a nupi khalin QAnon pawlkom ah aum ti a thei lo. Matthew in nitinten QAnon pawl ih thusuak mi ca pawl a siar ṭheu.

A fale pahnih a thatnak san cu hitin FBI hnenah a sim thei, “Ka nupi in rul-hreng thisen DNA anei, curuangah ka fale pahnih ih thisen ah rulhreng thisen aum ve. Ka fale pahnih ka that hi leitlun ka humhim tinak a si, ka that lo asilen an rung upat tikah khuasia monsters ah an cang ding” a tiih a nupi le rualpi pawl hnenah ngaithiam dilnak ca a kuat.

A rualpi pawlin, “QAnon pawl ih ca a siar ringring ruangah a khuaruahnak khal a fehsual thluh. Ngaithiam dilnak ca in kuat, asinan thawnginn sungah aum zo ih a hrangah a ṭha sawn” an ti. Ziangtik ni ah a thuhla an relcat ding ti cu an phuang hrih lo, thiamlo a co asilen thihdaan & damsung thawngthlak le $250,000 zat a kuan thei.

Be the first to comment

Leave a Reply

Your email address will not be published.


*