US Palik In A Nupi Ih Tlangval A Kap That Hnuah Amah Le Mah A Kapaw

New York, Mamakating ih um pacang kum 36 mi in Nu’i Ni, May 8, 2022 zan ah a nupi ih tlangval kum 20 mi a kap that hnuah amah le mah a kapaw that. A nupi kum 35 mi thawn kum 5 hrawng an umtlang zo, a nupi in tlangval arak nei thup.

Zarhpizan ah a tlangval thawn hotel ah an tongaw, a pasal in an umnak a thei ih ava feh. Hotel ihsin an tlansuak ih a pasal palik in a dum hnuah a nupi ih tlangval cu meithal in a kap, a nupi cu a tuahmawh lo.

Hotel hnaṭuantu in, “Meithal awn vei 8 ka thei, a thih hlanlo a kap ciamco. Amah le mah khal a kapaw that. Mithi ruak cu an nen’aw ih thinhnai lakah an it, an ruak kiangah a nupi cu a ṭap ciamco. A ṭahnak ah a thi zik te a bang” a ti.

An zumdan cun palik in a nupi phone hmangin an fehnak a theithup si ding an ti. An innhnen pa in, “Miṭha zet an si ih nupa buai khal an si lo, ṭongkam khal an el’aw dah lo. In hmuhtinte in bia ringring ih nel an um zet. An thuhla ka thei cu mak ka ti tuk” a ti. A nupi cu palik pawlin an hruai ih thilumdan an sut rero lai.

Be the first to comment

Leave a Reply

Your email address will not be published.


*