US Palik Nupa An Thataw, An Naute Thlakhat Mi Cu Hngakṭah Ah A Cang

US, Florida ih police officer nupa tuakkhat cu bulpak thinharnak an neih ruangah an nunnak an liamter ih an fapa thlakhat mi cu nulepa nei lo hngakṭah ah a cang.

An nupa in kum reipi sung police officer an rak ṭuan zo ih miṭha le mifel zet an si, harsatnak phunphun lak ihsin khuasung mipi pawl an humhim ṭheu. An nupa in an duhdawt zet ih fapa te an nei hnuah an ngaina aw deuhdeuh.

Asinan, December 31, 2021 ah innsang pabik Clayton cu amah le mah a thataw, a zan kumthar zingpit ah a nupi Victoria khal a pasal dung thlun in thatawk a tum nan a thi hngal lo ih siizung ah an tlanpi, siizung ah an tuamhlawm rero nan ṭha lam a pan thei nawn lo ih ni 2 hnuah a nunnak a cem.

An fapa thlakhat mi cu a pate hnenah aum ih an tantanmi an innsang pawl cu an riahsia tuk. An thatawknak san hi an phuangsuak hrih lo ih palik pawlin an zingzoi rero lai. Victoria ih pi in, “Nupa duhdawt aw zet an si, Romeo le Juliet thuanthu vek an si. Hitin mual in liamsan cu kan theithiam lo ih kan tuarthiam lo” a ti.

An hnaṭuannak palik bawi in, “Palik pawl khal minung kan si ve thotho ruangah beidonnak, thinharnak phunphun kan nei ve. Kan hnaṭuanpi pahnih in mual in liamsan cu poi kan ti tuk ih kan tuarnak hi ṭongkam in kan relsuak thiam lo” tin a facebook cahmai ah a tarlang.

Be the first to comment

Leave a Reply

Your email address will not be published.


*