US Police Officer Cu Mipi In The Rock Thawn An Bangaw Tuk An Ti, Amah The Rock Khalin Bangaw A Tiaw Ve

Leiltun ah hollywood lemcan thiam kum 49 mi Dwayne Johnson (The Rock) theilotu an um zik lo. US, Alabama’s Morgan County Sheriff ih police officer Eric Fields cu The Rock thawn an bangaw tuk ruangah a lar zet.

Walmart ih hnaṭuantu pakhat in ava zukpi hnu ihsin online sungah a lar ciamco, “Mifel zet kan hnaṭuanpi in The Rock thawn bangaw tuk police officer tong a duh thu ara rel ih a zukpi ngah” tin zuk cu an tarlang.

The Rock in an zuk cu arak hmu ve ih amah thawn bangaw a tiaw ve tuk. The Rock in “Kehlam ih um hi a pa sawn. Unaupa damcak zetin aw, na hnaṭuannak parah ka lungawi tuk. Nikhat khat ah Teremana Tequila kan intlang leh ding.

Na rock thuanthu pawl ka thei duh, na rock vivo ding ti khal ka thei” tin an zuk thawn a tarlang. Eric Fieldsc cu aumnak tualsung ah milar zet arak si zo, kum 17 sung Morgan County Sheriff’s Office ah hna a ṭuan ih a kaisang vivo.

Tu’ahcun an tualsung ih um police pawl hotu a si, milar a si hnu le a sinak a kaisang hnu khalah a mizia cu a thleng danglam cuang lo. An vengsung nauhak pawl khalin an ngaina zet ih an lek tlang ṭheu. Eric Fieldsc in “Midang ka si thei lo ih keimah cu keimah ka si. Midang lungawinak le hlimnak ih ka can ruangah ka lungawi tuk” a ti.

Be the first to comment

Leave a Reply

Your email address will not be published.


*