US President Joe Biden Cu Thupi Fun Zetin Thu A Phuang Ih A Ṭong Sual, 2022 Ti Dingah 2020 A Ti

US President Joe Biden cu January 4, 2022 sun ah innrang pi White House ihsin an ram mipi pawl hrangah thuthannak anei. Tulai natsia Coronavirus thuthla ah mipi pawl hnenah forhfialnak anei.

President Joe Biden in, “Kumthar sungah thilṭha zetzet a thleng thei, asinan mipi pawl natsia khamawknak siivai hi nan dawtawk tengteng a ṭul. 2020 kum sungah ruahsannak thar tampi aum. Pathian hrangah caanṭha kan neihmi hi hmang ṭha kung uh” a ti.

Himi a phuang sun cu January 4 a si ih 2022 kum cu ni 4 lawngin a upa lai. Mipi in zocio khalin kumthok ahcun kan relsual ve ṭheu, asinan kan relsual asikhallen a liamzo mi kum sawn kan rel. President Joe Biden cu kumhnih liamzo mi 2020 lamlam a relsual cu a mak tuk aw’ an ti.

Joe Biden hi kum 79 a kim zo ih US president si dingin an hrilmi lakah a upa bik. A kum upa vekin ṭong sual a hmang zet. Tulawng asilo, nidang khalah a ṭong sual ṭheu, ṭhenkhat in a upa zo ruangah an ti. Amai Vice President Kamala Harris khal vei tampi ‘President Harris’ tin a kosual.

US president hlun Donald Trump in, “Itthat Joe, Thluak kim nawn lo” tin arak ko ṭheu. President Joe Biden in 2024 kum hrilawknak ah a tel lai ding thu arak phuang zo ih a telsal asilen kum 82 a kim ding, US president term hnihnak a ṭuansal asilen kum 86 a kim tikah a term hnihnak caan a cem ding. Tuiṭum amah vote-tu 50% in Joe Biden cu an ngaina nawn lo.

Be the first to comment

Leave a Reply

Your email address will not be published.


*