US Ralkap Pawlin Afghanistan Ramlak Ah Mikei Tumpi, Feet 13 Ih Sang An Kap That Ih An Thup

The Mirror thuthang sungah US ralkap pawlin Afghanistan ramlak ah mikei tumpi, feet 13 ih sang an kap that ih an thup hlo tin an tarlang. LA Marzulli timi in Youtube fehtlang in a phuang hnuah a video cu hlonhlo sal a si.

2002 kum ah US ralkap pawl cu Afghanistan ramlak ah Taliban pawl do dingin an poksuak. Ramlak ih an um laiah mikei tumpi thawn an tongaw, a sam cu a sen ih a ṭihnung tuk. Mikei tumpi in US ralkap pakhat Dan a that hnuah an kap ciamco ih a thi, cumi hnuah thilri phurnak helicopter tumpi ih an thiar hlo.

Ralkap pawl cu an thilton mi phuangsuak nawn lo dingin hmin an khenter thluh. Tuini tiang mikei tumpi ih thuhla cu an thup hlo, mikei tumpi cu “Giant of Kandahar” tin an ko. Bible thuthlung hlun sungih Nephilim timi mi tumpi pawl ih ciithlah a si ding, Middle East ramsung ih rak tlangleng an si.

Bible sungih thudik phosuah an duh lo ruangah mikei tumpi thuhla cu an thup. 2000 kum khalah ralkap burkhat cu himi ramlak ah an va feh ih an hlo thluh zo a ti. Media pawlin thilthleng thuhla cu an va zingzoi ih 2002 kum ah US ralbawi Daniel cu himi ramlak ah a thi ngai, asinan mikei tumpi ruangah a si lo. Bomb puak ruangah a thi tin an rak ngankhum.

“Giant of Kandahar” mikei thuhla cu media pawlin an zingzoi nan US ralkap ṭuanvo neitu pawlin cuvek ngankhum mi aum lo an ti. US ralkap pawlin mipi lak ih than lo ding mi thuthup an nei tam zet.

Area 51 an timi ramlak khalah tuini tiang zohman lut an siang lo, ralkap pawlin an kil thepthep ih a sungih lut tum pawl cu an kap mai. Himi Area 51 sungah leitlung lenglam mi Alien pawl thawn an pehtlaih awknak aum ding ti an zum.

Be the first to comment

Leave a Reply

Your email address will not be published.


*