US Ram Ah Bawlung Sit Dingin An Va Feh Ih Mi 6 An Hlo

US, Florida khawpi ah The Special Olympics zuamawknak an nei ih June 5, 2022 ah an thok. Haiti ram ihsin bawlung sit dingin an poksuak ih US ram an thleng hnuah mi 6 cu an hlo.

An hmuh netabik cu June 8 sun nazi 2:30 ah a si, an leknak ding hmun kiangah an hmu ih an hlo lanta. An thlennak hotel room cu an kalh ih a sungah an thilri bungrua pawl an tan. Ṭuanvo neitu in, “Bumawknak aum ding ti cu kan zum lo, asinan kan hawl hmuh lohli an ṭul” a ti.

Tualsung palik pawlin an hawl rero lai. Online mipi pawlin ‘an rak tumcia a si ding, US ram thleng hnuah tlanhlo ta an tamtuk’ an ti.

Thuthang: Tom Cruise Le A Fala An Ṭhenaw
Kum 40 mi Tom Cruise cu US lemcan thiam hminthang a si, zuknung lam ahcun a hlawhtling zet nan duhdawtnak ahcun a hlawhsam. Nupi veithum a nei zo ih parol (pathlawi) a si, fate 3 anei zo. Lemcan thiam hminthang Hayley (kum 40) thawn an kopaw nan an tluang thei lo.

2020 kum ah Hayley thawn Mission: Impossible 7 timi zuknung an cangtlang ih an duhaw cih, September 2021 ah veikhat an ṭhenaw. Cumi hnuah an biaaw ṭheu ih an kopaw sal nan tu’ah an ṭhenaw lala. An thuhla buaipitu in, “An pahnih karlakah thil a feh tluang thei lo ruangah a veihnihnak an ṭhenaw, rualpi vek ih um an duh sawn” tin an tarlang.

Be the first to comment

Leave a Reply

Your email address will not be published.


*