US Ram Nuamnak Le US Ralkap Sinak Pawl Tlansan In Min Aung Hlaing Naule Pawl A Do

Salai Linn Linn cu US ram ah um in US ralkap ṭuan a si, US ralkap lak khalah dinhmun sang pawl Marine ralkap a ṭuan. Asinan Myanmar ramsung buainak ruangah a riahsia tuk ih mipi pawl kilhim dingin a tlung. Chin TV International in online fehtlang in hmaiton thusutnak an nei ih an thusutmi ṭhenkhat cu:

Chin TV “Ziangruangah US ramnuam ah na um cingin Kawlram ah na tlung ih tui dinhmun ah na um. Ziangmi in na thinlung a tham?” Salai Linn Linn in “Ka thinlung in thamtu cu, America ramah nuam zetin kan um. Kei cu a hlu khong tivek ziangziang ahhin ka tlasam tuk, ka ti theimi lam a si hrimhrim lo.

Nitinten ka hnaṭuan ka fehnak ah siseh, motor ka mawngnak ah siseh, himi thuhla hi ka zoh ringring ih ka ruat ringring. Ka thinlung hi a la zet, hitin rak um sehla, cutin rak um sehla himi zatzat an thi lo ding nan. Cuvek cu ka ruat ringring, cutikah thla ka cam ṭheu nan ka thinlung sungah himi thuhla hi a hlo thei lo.

Pathian ih konak in ka ruat’aw, Pathian ih in konak a si men thei. Himi hi ka ti theimi a si, nikhat nini ah kan neh len tla siseh, kan sung len tla siseh. Himi caan ah zianghman ka rak tuah lo tin ka nun sung ka siraw pang kem maw timi ruahnak ka nei. Cutin ka fehdan ding pawl ka tawlrel vivo ih tui caan ahcun ka thleng thei. Pathian ih konak tin ka cohlang” a ti.

Kawlram aumnak hi thla 6 a kim zo, a hnaṭuan bik cu mipi kilhimtu pawl traning pek hi a si. {An Interview-nak video na zoh duh asilen hinah hmet’aw, video sungah kimcang in aum}

Be the first to comment

Leave a Reply

Your email address will not be published.


*