US Ramri Ah Motor Tumpi An Hmu, A Sungah Raltlan Mi 46 Thicia In An Hmu

Texas, San Antonio lamzin kap ah motor tumpi an hmu. June 27, 2022 simlam nazi 5:50 hrawngah kiangkap ih hnaṭuantu pawlin motor sung ihsin minung ṭap thawm le bawmnak dil an thei ih an va zoh nai cu motor sungah mithi ruak tam zet an hmu ih tualsung palik pawl an sim thei.

Nauhak 4 le mino 12 cu an thi lo, an cau tuk ruangah motor sung ihsin an tlansuak thei lo. Ṭuanvo neitu pawlin an thiarsuak ih siizung ah an tuamhlawm rero lai. America-Mexico ramri hi minung an phurlutnak hmunpi pakhat a si, ramlak ihsin America ramsung ah an lut thup ṭheu.

Ṭuanvo neitu in, “Minung 16 cu an cau zet ih siizung ah an tuamhlawm rero lai. An thihnak san cu khua a hlum tuk ruangah a si men ding. An damlonak hi khuahlum tuk ruangih thawsam le taksa cau an si. Motor sungah tidai aum lo, AC aum lo. Motor sungah ziangtik tiang an um ti kan thei hrih lo” a ti.

Rinhlel thumi minung 3 cu an hrentang ih thu an sut rero lai, himi thihnak a thlendan thuhla cu theifiang dingin an zingzoi rero lai.

Be the first to comment

Leave a Reply

Your email address will not be published.


*