US Ramsung Ah An Kapaw Ciamco Ih Mithi Le Hliamtuar An Tam

4th July cu US ram Independence Day a si. Kumtinten an rampi zalennak ngah ni ah kap that aw an um ringring. Tuikum cu weekend sunday ah a thleng ih kum dang aiin kap thataw an tam cuang, Chicago ramsung lawngah kahawknak vei 100 lenglo a thleng ih minung 18 hrawng an thi.

Nikum 4th July, 2020 khalah kahawknak arak thleng ih minung 17 an thi ih hliamtuar 70 hrawng an um. Mithi lakah nauhak nunau kum 7 mi le mipa nauhak kum 14 mi an tel. Hliamtuar tam sawn cu meithal cerek mu lengvah ih ngah mi an si.

Pastor Donavan Price in “Chicago ram cu control theih lo mi ram vek a si. Police pawl khalin zianghman an tuah thei lo” a ti. Hliamtuar lakah police khal an um hnuaihni. Chicago, Texas, Virginia le Ohio ramsung ah kahawknak a thleng nasa.

USA rampum huap in tlawngkai ninga (July 2) zan ihsin monday zan nazi 11:30 tiang, nazi 72 sungah kahawknak vei 540 a thleng ih mithi 189 zat an um. Hliamtuar 516 zat an um tin Gun Violence Archive sungah an ngankhum.

Be the first to comment

Leave a Reply

Your email address will not be published.


*