US, Texas Lamzin Hi A Hrang !!!

US, San Antonio, Texas, Shane Road le Villamain Road ih um tlangleng lamzin kaannak ah thla nauhak rual an hmu ṭheu.

1930 kum December thla ah tlawngta nauhak pawl phurtu bus cu himi lamzin ah a ding ih tlanglen rat ding a hngak, vur a tla nasa tuk ih mero an zam ruangah driver Farrold Silcox in khua a hmufiah thei lo.

Zinglam nazi 8:43 ah tlangleng ara feh ṭheu ruangah tlangleng rat ding caan cu an hngak, vanduai thlak zetin tlangleng ra nawn lo dingin a ruat ih a feh lan laitak ah tlangleng in napin arung pah rupri ih a hmun ah tlawngta nauhak 23 le driver cu an thi.

Himi siatnak ihsin dam khuasuak mi 15 khal hliamhma nasa zet tuar in hringnun an hmang phah. US san thuanthu ah himi thihhlohnak hi a rapthlak bik an tiih zuknung khal an cang rero, cumi hnu ihsin lamzin ah nauhak thla an hmu ṭheu.

A caan len zantlaipi hnuah nauhak ṭapthawm an thei ṭheu ih nauhak lek celcel thawmvang khal an thei. Lamzin kap ah nauhak dinglai hmutu khal an um. Himi tlangleng lamzin ah motor an ding asilen motor cu hmuh theih loin an nor ciamco ih hmunhimnak ah an ret.

An zumdan cun nauhak thla pawlin anmah vekin thihhlohnak tuar ding an duh lo ruangah motor cu tlangleng lamzin ihsin hmunhimnak an nor ṭheu a si ding an ti. Motor nortu cu an hmu thei lo nan motor thlalang le a kiangkap ah nauhak kutneh tampi an hmu ṭheu.

Be the first to comment

Leave a Reply

Your email address will not be published.


*