US White House Kiangah Ṭek A Tla Ih Mi Pahnih An Thi

US president umnak innrangpi White House kiang te ah ṭek a tla ih mi pahnih an thi ih pahnih in hliam nazet an tuar. White House kiangih um Lafayette Square sungah ṭek in minung 4 a tlak ngah ih White House kiltu US Secret Service le park kiltu palik pawlin an va bawm hmaisabik.

August 4 zan ah ṭek in minung 4 a tlak ngah ih siizung ah an tlanpi hngal, a thaizing August 5 zinglam ah ṭek ih tlak mi Donna (kum 75) le James (kum 76) cu siizung ah an thi. An pahnih in Janesville khua ih um an si.

Hliamtuar pahnih khal an besia zet ih siizung ah an tuamhlawm rero lai. Innrangpi thuphuangtu in, “Nunnak liam an um cu kan riah a sia tuk, hliamtuar hrangah thlaza kan cam” tin an phuang.

Kiangkap ih mithmutu in, “Ka zum thei lo, ka damsung ah hivek thil ka hmu hrih lo. Thingkung hnuai ah an um ih ṭek in a tlak, an cang nawn lo ruangah bawm dingin kan va tlan. Ṭek tlak laiah thingkung hnuai ih um hi a him lo tuk, ṭek tlak laiah thingkung hnuai ah um hlah uh” a ti.

Be the first to comment

Leave a Reply

Your email address will not be published.


*