Val-U Pakhat Cu An Innhnen Nu In, “Midang Khal Nupi An Nei Rero Zo, Nupi Nei Zang Aw” A Ti Ringring Ruangah A That

January 19, 2018 kum ih thilthleng a si nan midang capoh dan kan thiamtheinak dingah kan rung tarlang sal.

Indonesia, Kampung Pasir Jonge khua ah tlangval val-u pakhat arak um ih an innhnen nu, naupai lai in a hmuhtinten, “Nupi nei zang aw, midang khal nupi an nei rero zo. Ziangtikah nupi na nei ding?” a ti ṭheu.

Val-U ih hmin cu Faiz Nurdin a si, simlam ah amahten an innhmai ah a to hnianghni ih an innhnen nu naupai lai kum 32 mi Aisyah in, “Nupi nei zang aw, midang khal an nei rero zo hi” ava ti.

A thinheng tuk supaw thei nawn lo ruangah an innhnen nu cu a rek that ih a sumpai le phone laksak in a tlan. Khuadang ah a tlanhlo nan tualsung palik pawlin an va kai ngah ih a sual tuahmi ruangah damsung thawngtla dingin a thu an ṭhencat.

Be the first to comment

Leave a Reply

Your email address will not be published.


*