Vanzam Accident Mithi Lakah Myanmar Ralkap Hotu General Soe Win A Tel Thei, Ralkap In Hmin 2 An Thup!

Tuizing June 10 zinglam ah ralkap vanzam a tla ih ralbawi 5 telin minung 12 an thih thu theih a si. Vanzam sungah minung 16 an to ih minung 14 ih hmin lawng an phuangsuak, vanzam to 2 ih hmin cu an thup.

Vanzam captain pakhat in “Lt. Gen. Soe Win khal vanzam to in mithi lakah a tel thei” a ti, hitin thuthang lengvak aum nan nenhngetnak cu aum hrih lo ih an zingzoi rero lai. Online mipi pawlin thuthang dik si hram seh an ti rero.

Vice-Senior General Soe Win cu Min Aung Hlaing sangtu a si ih Min Aung Hlaing a pension hnuah Myanmar ralkap pawl hotu a si ding. June 8 zinglam nazi 8:00 hrawngah vanzam (Beechcraft 1900D) cu Nay Pyi Taw Airport ihsin an poksuak.

Mandalay, Maha Wisuta Tarama Market buaipi ding an si ih market ih thilį¹­ulmi pawl an phur. Vanzam sungah minung 16 an to ih 8 cu a hlu petu an si.

Pyin Oo Lwin Airport ih an tum zik zawngah an cangsual ih vanzam cu a tla thutthi. A hmun ah ralbawi 5 telin minung 12 an thi ih hliamtuar bese zetzet khal an um, a hmun ah ralkap pawl an thleng hngal ih mithi le hliamtuar pawl cu siizung ah an phur. Vanzam accident-nak cu furcaan a si ih mero le cumci an zam tuk ruangah ti a si.

Be the first to comment

Leave a Reply

Your email address will not be published.


*