Vanzam Ihsin Ek An Thlau Pang Ih A Lu Parah A Tla

UK pacang cu an hmuan sungih hna a ṭuan rero laiah van ihsin ek an rung tla ciamco ih a taksa parah an tlak ngah, an hmuan sung khalah minung ek a khat thluh.

October 14, 2021 sun ah Royal Borough of Windsor and Maidenhead ah a thuhla cu an buaipi. Pacang in “July thla ah ka hmuan sungah hna ka ṭuan ih vanzam ihsin ek an rung tla ciamco, keimah khal in tlak ngah cu a tenum tuk” a ti.

Kum 40 sung airport ih hnaṭuantu Geoff Paxton in “Hivek thil cu ka rak tong dah lo, vanzam ekinn sungah ek tikhalnak ice le siivai pawl kan retcia thluh. Vanzam cu a ṭum hnu lawngah ekbawm cu kan lasuak ṭheu. Hivek cu a thawngtel lakah veikhat lawng a thleng ding ka zum, khuahlum laiah cun ekkhal pawl hi an ti thei ko, cutin an rak putsuak tla a si ding” a ti.

Route Tracking App hmangin ziangvek vanzam a si ti an thei ih an phone, vanzam mawngtu in anmah an si lo thu an rel lawk nan neta ahcun an phuangaw. Thuneitu lamin ziangtin an tawlrel vivo ding ti cu theih a si hrih lo ih an vanzam hmin khal an pholang hrih lo. (BBC)

Be the first to comment

Leave a Reply

Your email address will not be published.


*