Vanzang Khua Ah Inn A Kang

July 29, 2021 zinglam nazi 3:50 hrawngah Thantlang peng, Vanzang khua ah inn pakhat a kangral thluh. Pu Thawng Uk Cung tei inn a si ih a kiangih um inn pakhat khal malte a kangkai nan khuasung mipi pawlin an va thelhmit man.

Inn a kang laiah inn neitu Pu Thawng Uk Cung le a nupi cu lo ah an rak riak ih inn hngaktu an um lo.

Vanzang khuami pakhat in “Lo ih an riah laiah an inn hi a kang. An fale pawl cu an pi tei inn ah an tanta ih inn ah zohman an um lo” a ti.

An innsung ih bungrua zianghman an lasuak man lo ih ziangtin a kang thok ti khal an theifiang hrih lo. Asinan, vok rawl suannak mei ihsin a kang thok tla a si thei an ti.Vanzang khua cu Thantlang peng, Vanzang tlang ah aum ih inn 100 hrawng an si. (# The Hakha Post)

Be the first to comment

Leave a Reply

Your email address will not be published.


*