Vanzang Tlawnginn Ah CNF Thantar Zar In Nauhak Pawl Tlawng An Kai Thok

Thantlang peng, Vanzang khua ih tlawnginn ah Chin National Front/Army (CNF/A) thantar an zar ih nauhak pawl tlawng an kai. University tlawngta pawl ih hohanak in August 2, 2021 ihsin tlawng an kai thok.

Myanmar ram hlapi sak loin ZBC 513-nak “A Hme Ram Laitlang” timi hla an sak ih tlawngkainak an thok. Vanzang khua cu CNF/A camp kiangih um khua pakhat a si.

“Kan ram ah kan thantar kan upat dingih upatnak ah lukun in kan langter ding. Kan ram ah kan ram hla kan sak ding a si. Kan fimthiamnak thawn pehtlaih in ram kan duhdawtnak le kan suangnak pawl kan langter ding. Zohman in in cuhsak thei lo Lairan (Chinland) kan si ti langternak ah siseh tin duhsaknak thawn tlawnginn lam ihsin kan hna pakhat kan ṭuan thok” tin an tarlang.

Salai BN Dennis: “Kaa Chuah Semnak Khua Vanzang ah Sianghlei run hruainak in Kan Fa Nau le Fimcawnnak Cachim ding in August 2 in kan thawk/Sianginn kan On.

Thantar ah Chin Thantar kan hman, Hla ah A Hme Ram Laitlang ZBC 513 kan sa lai. Kan Ram ah Kan Thantar kan Upat lai i Upatnak ah Lukhun in kan langhter lai. Kan Ram ah kan Ram Hla kan Sak lai.

Cucu kan Fimcawnnak he pehtlai in Ram kan dawtnak, kan tlaihchannak, Ho pen kho lo Lairam(Chinland) kan si hmelchunhnak tiang siseh tiah duhsahnak tampi he Sianginn lei ah kan rian lam pakhat in kan thawk.

Be the first to comment

Leave a Reply

Your email address will not be published.


*