Vapual A Kap That Ih Suangaw Zetin FB Ah A Tarlang, Asinan A Facebook Phit Ṭul Dinhmun A Thleng

Indonesia tlangval Bobiean Sikro in a ramtawihnak ah vapual mawi zet a kap that, a kap that veten suangaw zetin a zukpi ih facebook tualrawn ah a tarlang. Vapual cu a keng ih a hni siamsiam.

“Tupi sungah ka lut ih himi vate ka kap that hngal” tin caption thawn a tarlang. Cumi hnu reilote ah a facebook cu a phit ih zohman in an hawl hmu thei nawn lo. Online mipi pawlin vapual a kap that ruangah an lawm lo ih an soisel sawn, comment sia zetzet a dawng.

Cun, Indonesia ramsa humhimtu pawlin an rak thei ih kai dingin a zuk an tarlang ruangah a facebook cu a phit lohli. Indonesia Ramsa Humhimtu Pawlkom Kementerian LHK in “Indonesia ramsung ah vapual hi kah siang lo mi an si, kan humhimmi tlunzuang vate a si” tin Bobiean Sikro ih zuk thawn an tarlang.

Vapual ahhin phun dangdang an um, Bobiean Sikro ih kahmi vapual cu ‘Wreathed Hornbill‘ timi phun a si ih Indonesia ramsung ih an humhimmi a si.

Hitivek vapual kap thattu pawl cu kum 5 sung thawngthlak le US$ 17,609 zat an kuan thei. Bobiean Sikro in a facebook cu a phit lohli nan Ramsa Humhimtu pawlin thubuai orhter dingin an zingzoi rero lai.

Be the first to comment

Leave a Reply

Your email address will not be published.


*