Veng Lal An Kap Ih Khua Lal In Ava Run Tum, Khua Lal Khal An Kap That

Mon State, Mawlamyine District, Koh Doot veng lal cu zo ti theih lo pawlin an kap ih khua lal in ava run tumnak ah khua lal cu an kap that.

July 20, 2022 sun ah an khua ah mithi aum ih mithi ruak cu an va vuiliam. An tlunlam ah lamzin kap ah hriamkai pawlin an rak bawh ih veng lal cu an kap, khua lal in veng lal cu ava run tum ih amah sawn an kap that.

Khuami pakhat in, “Veng lal an kap ih khua lal in a thei, meithal kaptu cu minung pakhat lawng ah a ruat ih ‘keimah ka ra ding’ tin a hringhro ih ava pan. Minung 4 an rak si ih an rak kap ciamco, vei 6 an kap ngah ih a hmun ah a thi cih. Khua lal dungthluntu pawl hi an tam zet nan an tlanhlo thluh” a ti.

Koh Doot veng lal U San Win cu a hliamhma tuar a nasa tuk ruangah a hmun ah a thi cih. Veng lal U Zaw Lin Aung khal hliamhma a tuar nan a thi lo ih Mawlamyine siizung ah an tuamhlawm rero lai. Khua lal an kap that hnuah an khuasung ah ralkap le palik pawl an ava feh ih umhmun an khuar.

Be the first to comment

Leave a Reply

Your email address will not be published.


*